Esanezinen kontzertua emanen da gaur Zaldiko Maldiko elkartean, Ansoleaga kalean, alde zaharraren bihotzean. Ianire Aranzabek, Esanezinen atzean dagoen musikariak, duela urtebete plazaratu zuen Erretratu bat diskoko abestiak oholtzaratuko ditu bertan, arratsaldeko 20:00etan.
Hauskortasunaz, puskatzeaz eta osatzeaz hitz egiten duten abestiak dira, zirrara tristeaz bilduak, hitzak azpimarratzen eta goxatzen dituzten musikaz. Bere ibilbidearen une egonkorrean aurkitzen dela aurreratu digu abeslariak, uneaz gozatzen abesti berriak sortu bitartean.
