Arratsaldean izanen dute Zizur Nagusian osoko bilkura. Landuko dituzten gaien artean haur eskolaren afera izanen dute. 4,4 milioi euroko aurrekontua dago egungo Paquita Ansa haur eskola handitzeko edo berri bat eraikitzeko. "Ardoiren errealitateari egokiago erantzunen lioke haur eskola berri batek", esan du Ander Loiola EH Bilduko zinegotziak. Egungoa handitzeak 152 haur eraikin berean sartzea litzateke: "Makro haur eskola bat sortuko litzateke. Eta hizkuntza ereduak elkarrekin leudeke", azaldu du.
Paquita Ansa haur eskolatik kanpo geratu ziren 92 haur ikasturte hasieran, horietatik 63 bizi dira Zizurren. Erantzuna behar dute. Zizur Nagusian Geroa Baik du aginte makila Jon Gondanen alkatetzarekin eta haur eskola handitzearen aldeko jarrera dute hartua. Osoko bilkuran ikusiko da azkenik zein proposamenek hartzen duen babes gehien. Ander Loiolarekin egindako elkarrizketa argazkian klik eginda entzun daiteke.
