Joxe Paulos (LAB): "Hezkuntzako laguntza espezialista asko ezin dira duin bizi"

Maialen Huarte Arano 2024ko aza. 15a, 07:48
Deskargatu Info Ahotsak :

Iruñean eta Tuteran elkarretaratzeak egin dituzte hezkuntza berezia behar duten ikasleekin lanen aritzen diren Hezkuntzako Laguntza Espezialistak. Nukleoko Langileen Batzordea osatzen duten bost sindikatuek deitu dute greba. Kolektibo horren lan baldintzak eta, ondorioz, hezkuntzako esku hartzearen kalitatea hobetzea da lanuztearen helburua. "Laguntza hori eskaintzen dutenen gehienak ezin dira lanaldi horiekin bizi", salatudu LAB sindikatuko ordezkari Joxe Paulosek. Negoziazioa etenda dutela ere salatu dute

Hezkuntzako Laguntza Espezialistek greba eta mobilizazio eguna izan zuten atzo. LAB, AFAPNA, ELA, CCOO eta UGT sindikatuek deituta atera ziren kalera: "Gutako asko ezin gara duin bizi ditugun soldatekin", salatu du Joxe Paulos LAB sindikatuko ordezkariak. Kexu dira dauzkaten lan baldintzekin: lanaldi txikiak (hamabi ordu eta erdikoak, asko) eta, ondorioz, soldata murritzak. "Laguntza eskaintzen dugun espezialiston artean %15ak du plaza finkoa", azaldu du Paulosek. Egonkortasuna eskatzen ari dira: "Negoziazioa etenda du Hezkuntza Departamentuak iaztik eta berrezartzea nahi dugu", adierazi du sindikatu abertzaleko ordezkariak. Joxe Paulosi egindako elkarrizketa argazkian klik eginda entzun daiteke. 

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea