Esa urtegiak dituen gainezkabideetan 1.495 metro kubiko ur segundoko jaso ditzake eta horrek "bonba bat sortzea" baino ez luke eraginen. Hori uste du Rio Aragon taldeak: " Ura urtegiaren azpitik aterako litzateke eta Sigues herria adibidez urpean utzi". Gogorarazi du talde horrek 2012an izandako euriteen erruz Esako bi urbanizazio hustu, desjabetu eta eraitsi behar izan zituztela. "Eskuin hegalean izandako mugimenduek eragin zuten erabaki hori hartu behar izatea", gogorarazi dute. Urtegiaren zimentazioa ere altxatu zuten eurite haiek.
Ordutik ia 100 milioi euro gastatu behar izan dituzte hegal horiek egonkor mantendu ahal izateko, baina "ezin izan dute behin betirako egonkortasunik lortu".
