Esako urtegiko lanetara begira jarriz gero Rio Aragon eta Esa gehiagorik ez kolektiboek salatu bezala geldiarazita daudela ikus daiteke. 2023ko ekainaz geroztik segurtasun arduraduna baino ez dabil han. Ebroko Ur Konfederazioko presidenteak, Carlos Arrazolak jakinarazi du "zail" ikusten duela Esa urtegiko handitze lanak 2027rako amaituak egotea data horretarako "aurreikusirik" bazegoen ere. 30 urte dira handitze lanekin hasi zirela, baina "konplexutasuna" dela-eta amaierak ez du data zehatzik oraindik. "Urtegiaren lau gainezkabideen artetik hiruren leku aldaketak bereziki atzeratu eginen ditu lanak", uste du Arrazolak. "Administrazio prozedurak direla, urtebete iraun dezake gainezkabideen aldaketak, gero lanek ohiko martxa hartuko dutela uste dute, baina beste bi urte gehitu behar zaizkie betetze probak egiteko", azaldu du .
Oraingoz lanek etenda segitzen dute Rio Aragon eta ESA gehiagorik ez plataformek urte amaieran salatu zuten bezala. Ez du ematen aurten hasiko direnik lanetan Arrazolak berak esan bezala. Erakunde publikoen erantzunaren zain daude gainezkabideen leku aldaketaren egokitasuna ikusten duten edo ez argitzeko.
