‘Fiare Banca Etica’ erakundeaz aritu gara Metropoli Forala saioan. Finantza ekimen horren izenean Mikel Ortigosak eman dizkigu xehetasunak. Haien helburua diruaren balio soziala berreskuratzea da. Pertsona eta erakundeen aurrezkiekin nekazaritza ekologikoa, efizientzia energetikoa, hezkuntza, kultura eta bidezko merkataritzaren inguruko proiektuak laguntzen dituzte.
Banca Popolare Etica (1999tik Italian lan egiten duena) eta Fiare (2005etik Espainian diharduena) batu zirenean sortu zen Fiare Banca Etica.
REAS erakundeko kide Miguel Angel Llamasek nabarmendu digunez, azaroan, Geltokin, ekonomia sozial eta solidarioaren hilabetea egiten ari dira eta oraingoan, finantza etikoen inguruko jarduerak dira nagusi.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
