Sakanako bost gazte hauek 2020an hasi ziren elkartzen talde bat sortzeko asmoz eta ideia garbi batekin: desagertuta dagoen rock zaharra eta klasikoaren estiloa berreskuratzeko. Horregatik jarri zioten taldeari Deserrite izena. Euskaraz erbesteratua esan nahi du, gaur egungo musika-panoraman duen egoeraren analogiatzat hartu behar da beraz.
2021eko abenduan Gazte Talent saria irabazi zuten, Arabako Foru Aldundiak, Laboral Kutxarekin eta Jimmy Jazz aretoarekin lankidetzan emana. Horri esker, haien lehenengo diskoa kaleratu zuten urte bat geroago, Deserrite izenekoa eta 6 abestiz osatutakoa. Abesti berriak sortzen eta konposatzen dabiltza buru belarri eta hurrengo hilabeteetan grabazio berriak egingo dituzte.
Baterian Hodei Alegre, gitarretara Gaizka Ocaña eta Iñaki Gasco, abeslari Jesus Palop eta baxuan Luken Goikoetxea-Ziordiak osatzen dute Deserrite taldea eta Irrintzi Plazan izan ditugu zuzeneko musika jotzen.
Deserrite, Burundako rock oihua
Irratian lehenengo aldiz Orbelak izeneko kantua jo dute Jesus Palop abeslariak eta Luken Goikoetxea baxuak
Erlazionatuak
Deserriteren Orbelak abesti berria zuzenean
urr 29, 19:44 Nafarroa
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
