13 talde, 100 partaide eta 19 saio izan dira Bardoak 2024 taldekako bertsolari txapelketako protagonistak. Umore eta giro onean joan ziren aurreko asteburuan egindako finalaurrekoak Etxaurin, Irunberrin eta Tuteran.
Baztan-Bortzirietako hiru taldek lortu dute finalerako txartela, herri arteko tirabirek jokoa eman dezakete beraz. Garesko pilotalekuan arituko dira Baztango Baztanzopak taldea, Bortzirietako Hor gu eta Baztan-Bortzirietako Mutilatuak.
Bardoen finala larunbatean 17:30ean izango da Garesko Zamariain Pilotakeluan. Bertsosarrerak.eus atarian erosi daitezke azken saiorako txartelak.
Irrintzi Plazan Saioa Oneka, Nafarroako Bertsozale Elkarteko komunikazio arduraduna elkarrizketatu dugu finalaren atarian.
