Jendetsua eta koloretsua izan zen atzoko eguna Zangozan. Eguraldiak lagun zutela, milaka euskaldun eta euskaltzalek bat egin zuten Zangozako Ikastolak antolatutako Nafarroa Oinez festarekin. 3,5 kilometroko ibilbidean zehar hamarnaka ekitaldi antolatu ziren euskara pizteko, mintzatzeko eta gozatzeko. Festaren biharamuna lan egiteko eguna da, baina irribarre batekin egiten ari dira azkeneko esfortzu eta auzolanak.
Irrintzi Plazan Nagore Oria Telletxea, Zangozako Ikastolako zuzendaria elkarrizketatu dugu Nafarroako ikastolen jaiaren behin behineko balorazioa egiteko.
