Osasun publikoa eta kalitatezko zerbitzua exijitu dute: "Landa eremuko herritarrak bigarren mailako bizilagun izan gabe, ez ditzatela petatxuak jarri", eskatu dute manifestazioaren amaieran. 2.000 lagun baino gehiago batu ziren atzo Elizondoko protestan. Kritiko jardun dira Osasungintzako arduradunekin: "Hala nolako soluzioak eskaini dizkigute: bi egunetarako bi mediku kontratatzen dituzte, edo bi egunetarako bakarra. Hori, ez da aski", adierazi dute. Sistema egonkor bat nahi dute, bizilagunak ezagutuko dituzten medikuak. Kalitatezko osasun publikoa, denontzat eta duina galdegiten ari dira. "Euskaraz jaso nahi dugu arreta", gaineratu dute. Egoerarik larriena Elizondon bizi dute eta horixe nahi dute berehalakoan konpontzea.
Elkarretaratze eta bizikleta martxa ugari egin dituzte azken hilabetean Elizondon. Atzo, manifestazio jendetsua egin zuten. "3.500 herritar daude medikuaren arretarik gabe", salatu dute.
