"Aldaketa sakona behar du gaur egungo zerga sistemak", azaldu du LAB sindikatuko Nafarroako koordinatzaile nagusi Imanol Karrerak. Hori hala dela argudiatu nahian hitzaldia antolatu du sindikatu abertzaleak Iruñean: Carlos Cruzadok, Los ricos no pagan IRPF. Claves para afrontar el debate fiscal liburuaren egileak, eta Mikel Aranburu Nafarroako Foru Ogasuneko kontseilari ohiak parte hartu dute. Nafarroako Gobernuari galdegin dio LABek aberatsenei zergak igotzeko eta langileen bizkar egotetik urruntzeko.
Gastu sabaia handitu eginen du aurten Nafarroako Gobernuak, %2,4 eta Europatik ez ditu funtsik jasoko. Hartara LAB sindikatuaren ohartarazpena izan da murrizketak iritsi daitekezkeela: "Zergak igo ezean zenbait departamentuk murrizketak izan ditzakete heldu den urteko aurrekontuetan", esan du Karrerak. Imanol Karrerarekin egindako elkarrizketa argazkian klik eginda entzun daiteke.
