Amaia Izar Leatxe agoiztarrak duela urte eta erdi martxan jarri zuen Home Staging negozio berritzailea. Ez du dekoratzaile lanak soilik egiten. Etxe baten eraldaketa osoaren prozesuaz arduratzen da: moldatu beharreko tokia ikusi, itxuroso jarri eta azkenik, etxea saldu edo alokatu. Bi asteko tartean burutzen du lana, obrarik egin gabe.
Lehenik eta behin etxea husten du, ondoren espazioak ordenatzen ditu altzairu, sofa, errezela eta elementu propioekin eta azkenean argiz betetzen du etxea. Etxea margotzea garrantzitsua da, usain txarrak usatzen dituelako. Amaia Izar Leatxeren esanetan, helburua ez da espekulazioa, saldu edo alokatu nahi den etxe bati aldaketa batzuk eginez erakargarriagoa izan daitekeela erakustea baizik.
