Frutaren garestitzeak ekarri du berekin zenbait kontsumoren aldaketa. Beste produktu batzuen aldeko apustua egin dute askok. Yogurta esaterako askozaz ere merkeagoa da. Baita zenbait jaki prozesatu ere. "Fruta ez jateak behar besteko nutrienteak ez jasotzea ekar dezake", esan du Anne Azkona nutrizionistak. "Gutxienez hiru fruta jan beharko genituzke egunero", gaineratu du. Gorputzaren funtzionamendu egokirako ezinbestekoa da fruta zein barazkien kontsumoa: "Idorreria ekiditen du adibidez egunerokoan horiek guztiak jateak", azaldu du. Bestelako gaixotasun batzuk ere erlazionatuta egon daitezke frutaren kontsumo gabeziarekin: "Diabetesa izateko arrisku gehiago izan dezake fruta eta barazkiak kontsumitzen ez duenak", azaldu du. Norberari errazen eta gehien gustatzen zaion fruta kontsumitzeko gomendioa egin du Azkonak "gutxienez hiru". Anne Azkona nutrizionistari egindako elkarrizketa entzun daiteke argazkian klik eginda.
