Herritarren ahotsa aditu, errespetatu eta bete, gasolindegirik ez!, pankarta eskuan hartuta elkarretaratzea egin zuten Bertizaranako herritarrek larunbatean. Kamioiendako Legasan eraiki nahi duten "makrogasolindegiaren" aurka elkartu dira. Proiektua ez da berria; 2021ean hasi ziren proiektuaren ideia aurkezten, baina kontzejuek duela hiru hilabete baino ez dute izan horren berri. Informazio falta sumatzen dute herritarrek eta atzo alkatearekin elkartu eta gero igandean batzar irekia egin nahiko lukete. Martin Subizar Bertizaranako bizilagunari egindako elkarrizketa argazkian klik eginda entzun daiteke.
