Euskararen osasuna "ona" da Irunberrin. Beste leku askotan bezala, "euskara jakitun asko baina hiztun gutxi" daudela adierazi du Iraide Ongay Zintzur Euskara Taldeko kideak. Udalak ez du euskarazko eskaintza orekaturik egiten euskara taldearen ustez eta eurek hartu dute ardura ekitaldi, hitzaldi eta topaketak egiteko euskara komunitatearentzat. "Festetarako areto bat uzteko eskatu genion Udalari baina ezezkoa eman digu", jakinarazi du Ongayk. Sinadura bilketa egiten ari dira herrian Alderdi Independenteak hartutako erabaki horri erantzuteko asmoz. Iraide Ongayrekin egindako elkarrizketa argazkian klik eginda entzun daiteke.
Iraide Ongay (Zintzur Euskara Taldea): "Euskararen eskaintza orekaturik ez du egiten Irunberriko Udalak"
Alderdi Independenteak du aginte makila Irunberrin eta euskarazko komunitatea ez duela asetzen uste du Zintzur Euskara Taldeak. "Orekarik ez dago egiten duen eskaintzan euskararekiko", adierazi du Iraide Ongay euskara taldeko kideak. Azken "oztopoa" festetarako euskarazko ekimen batekin izan da: "Ez digute aretorik utzi nahi festetarako magia ikuskizun bat egin ahal izateko", gaineratu du.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
