Guztira hogei urteko kartzela zigorra eta 56.000 euroren isunak eskatu dituzte zazpi baztandarrendako, 2021eko apirilean Lekarozen, egin zituzten protesta batzuk direla eta. Aroztegiko obrak geldiarazteko egin zituzten kanpaldiengatik, zehazki. Talde kriminal antolatu bat izatea eta derrigortze eta bortxa delituak egitea leporatzen diete. Agerraldia egin zuten atzo arratsaldez Lekarozen, herritar andanaren babesarekin; zazpi auzipetuetatik bost agertu ziren, eta 270 herritarren babesa jaso dute. Aintzane Ariztegiri egin diote elkarrizketa Euskalerria Irratian eta argazkian klik eginda entzun daiteke.
