Behatokiko zuzendariak azaldu duenez, “Haur eskolaren proiektuari azken unean eman diote erantzuna, dei bat jaso dute Oibarren bestelako hizkuntza eredu bat hautatu izan balute ez zela egongo arazorik esanez”. Hezkuntza Departamentuak dio, haur eskolaren ostean, haur eta lehen hezkuntzan ez dagoela D eredurik eskaintzen herrian eta euskarazko lerrorik ezartzeko eza dagoela tokirik. “Ze bitxia, gazteleraz ikasteko ez dago toki arazorik, ezta ikastetxeak handitu behar badira ere; baina euskaraz ikasteko beti dago trabaren bat”.
Hizkuntza Eskubideen Behatokiak gogoratu du euskarazko eskariak bermatzen dituela herri askotan landa eremuko eskola txikiak. “Oibarko bizilagunek Zangozara jo beharko dute haien seme alabak euskaraz hezi daitezen” azaldu du Agurne Gaubekak.
