Bertso afaria antolatu dute AEK eta Sadar Bizirik taldeak Jagoba Arrasate Osasunako entrenatzaile izandakoari despedida egiteko. Ekainaren 20an izanen da Antsoaingo pilotalekuan eta sarrerak euskaltegietan eskura daitezke.
Julio Soto, Amets Arzallus, Urko Gartzia eta Jagoba Arrasate bera ariko dira bertsotan AEK eta Sadar Bizirik taldeak antolatu duten bertso afarian. Osasunako entrenatzaile izandakoari despedida egin nahi diote "euskarari naturaltasunez eman dion lekua" goraipatu nahian. Ekainaren 20an izanen da Antsoaingo pilotalekuan. Sarrerak eskuragarri jarri dituzte 20 euroan Irrintzi, Iruñezar eta Auzalor euskaltegietan. AEKko Asier Biurruni egindako elkarrizketa argazkian klik eginda entzun daiteke.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
