Unicef-en ikerketa baten emaitzek diote Nafarroako nerabeen %38k bost orduz erabiltzen duela Internet, bitik batek mugikorrarekin egiten duela lo, eta bostetik batek gauez pizten duela mobila. Nerabeen %12k onartu du eduki erotiko sexuala bidali duela eta %40k onartu du eduki hori jaso duela noizbait. Era berean, %32k onartu du pornoa erakusten duten webguneetara sartu dela. Bataz beste 11,2 urterekin izaten dute Nafarroako nerabeek mugikorrerako sarbidea. Datu hauekin guztiekin kezkatuta duela zenbait hilabete guraso talde zabal bat biltzen hasi zen, gaiaz hitz egin eta eztabaidatzeko. Whatsapp bidez batzuk, Telegram bidez besteak 2.000 familia baino gehiago ari dira gaiarekin bueltaka. Nerabezaroa Mugikorrik Gabe Elkartea sortu dute gazteei mugikor bat ahalik eta beranduen emateko proposamenarekin: benetan halako bat kudeatzeko prest daudenean. Nerabezaroa Mugikorrik Gabeko Elkarteko zuzendaritza taldeko kidea, Jose Luis Asensio, elkarrizketatu du Euskalerria Irratiak. Argazkian klik eginda entzun daiteke.
