Ekainaren 2an,igandea, CPAEN/NNPEKek eta Biela y Tierra kolektiboak bizikleta-ibilaldia antolatu dute, Ebroko Erriberan kokatzen diren hainbat proiektu ekologiko ezagutzeko. Goizeko 9:00etan aterako da ibilaldia Tuteratik eta Mejana Gourmeteko baratze ekologikoak bisitatuko ditu La Mejanan; Artajo enpresaren olibadi ekologikoa bisitatuko da ondoren eta El Bocal proiektu hidraulikoa, interes kulturaleko ondasuna, izanen du azken geltokia. Antolakuntza taldeko Kattalin Barberrek argitu moduan, doakoa da ekimena eta izen-ematea oraindik zabalik dago, asteazkenera arte.
