"Itxaropena badugu egoera bideratuko dela", esan du Alberto Errea Erripagaña auzo elkarteko kideak. Joan den astean batzartu ziren bizilagun horiei zerbitzuak ematen dizkieten lau udalerrietako alkateak: Iruñekoa, Uhartekoa, Eguesibarkoa eta Burlatakoa. "Korapiloa askatzeko lehen pausoa" zela adierazi zuen Iruñeko alkate Joseba Asironek. Plan bat jarriko dute martxan Erripagaña auzoak bizi duen egoerari irtenbide emateko. "Auzoan ez da zerbitzurik eskaintzen eta horietako udalen batek eskaintzen dituenetara jo behar dugu", kexu dira Erripagañan Errearen esanetan. Alor ekonomikoaren lanketa egiten ari dira aztertzeko zein udalek izanen lukeen aukera Erripagañaren beharrak asetzeko eta horren ondotik etorriko dira bestelako erabakiak. Alberto Erreari Euskalerria Irratian egindako elkarrizketa argazkian klik eginda entzun daiteke.
