Euskaldunon Harrotze Astea antolatu du Euskal Herrian Euskaraz taldeak. "Euskararen aurkako oldarraldiari erantzuna kalean ere eman behar zaio. Erakundeetan tematuta daude gehiengoetara iristearekin, eta hori beharrezkoa da, baina kalean indarrak batzeak ere garrantzia handia du", adierazi du EHEko Sugoi Etxarrik. Euskararen aldeko ekimenak eginen dituzte aste honetan eta sare sozialetan emanen dute horren berri.
Euskaldunon Harrotze Astea izanen da honakoa. Gaurtik hasi eta igandera arte Euskal Herrian Euskaraz taldeak ekimen ugari antolatu ditu. Euskarak jasaten dituen "erasoei" aurre egin eta kalera euskaraz bizitzeko eskubidea ateratzeko unea dela uste du EHE taldeak. "Euskararen aldeko mugimendua zuzentasunean kokatua dagoela iruditzen zaigu eta hori beharrezkoa bada ere, kalean ere aldarria egotea ezinbesteko da", adierazi du Sugoi Etxarri EHE taldeko kideak.
Gaurtik hasi eta igandera arte, piskanaka joanen da Euskal Herrian Euskaraz taldea ekimenak egiten. Sare sozialetan zabalduko dituela iragarri du. Iruñean, haur eskola euskaldunen beharraz ohartaraziko dute, besteak beste.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!