800 sinadura baino gehiago bildu ditu Orkoiengo Euskaltzaleak taldeak salatzeko 2009ko euskararen ordenantza "edukiz hustu" nahi duela udalak. "Euskaraz bizitzeko dugun eskubidearen alde ari gara, ez besterik", esan du Ainhoa Otaegik, Orkoiengo Euskaltzaleak taldeko kideak Euskalerria Irratian egin dioten elkarrizketan. Murriztaileagoa da Udalak planteatzen duen euskararen ordenantza berria Otaegiren ustez eta onartezina iruditzen zaie.
Asteazkenean parlamentura itzuliko dira kasu horretan batzorde batean azalpenak ematera: "Lan saioan euskaraz nola bizi garen eta gure eskaerak zeintzuk diren azalduko diegu", adierazi du Otaegik. Euskalerria Irratian egindako elkarrizketa entzuten ahal da argazkiak klik eginda.
