Orkoiengo Euskaltzaleen Elkarteak manifestazioa eginen du larunbatean Alejando Lopez PSNko alkateak egindako adierazpenak salatzeko. Eguberrietan antolatutako euskarazko ludoteka batengatik esan zuen haur euskaldunak pribilegiatuak zirela euskarazko zein gaztelaniazko ekimenera joan zitezkeelako. "Denon alkate izan beharko zenak ez gaitu ordezkatzen", esan du Itziar Ilundain Orkoiengo Euskaltzaleen Elkarteko kideak. Euskararen ordenantza aldatu nahi dutelako ere "kezkatuta eta haserre" azaldu dira Elkartean.
Euskarazko ludoteka eskaintzearekin euskaraz badakiten haurrak pribilegiatuak dira bi aukera dituztelako: euskarazko ekimena eta gaztelaniazkoa. Hitz horiek esan ditu berriki Orkoiengo alkate Alejandro Lopezek. Eta euskaltzaleen haserrea piztu dute. Orkoiengo Euskaltzaleen Elkarteak larunbaterako prestatu du manifestazioa eta jai giroko ekitaldia: "Denon alkate izan beharko litzatekeenak gu ez gaitu ordezkatzen", esan du Itziar Ilundain Orkoiengo Euskaltzaleen Elkarteko kideak.
Abenduan egin zituen adierazpen horiek PSNko alkateak, baina ez ziren bakarrak izan. Euskararen Ordenantza ere aldatu nahi dute eta aldaketa horren atzean edukiz hustutzeko nahia dagoela salatu dute Orkoiengo Euskaltzaleen Elkarteko kideek. Euskalerria Irratian Itziar Ilundaini egin diote elkarrizketa. Argazkian klik eginda entzun daiteke osorik.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!