Nafarroatik 4000 kilometro baino gehiagotara , Finlandiako taigan edo baso borealean aurkitzen da azal zuriko hartz beltza, espiritu hartza ere deiturikoa. Animalia berezi hau aurkitu eta argazkiak ateratzeko bidaia interesgarri bat antolatu dute hiru baztandarrek: Iñaki Atxak, Eneko Eskuderok (Xaraka bidaiak) eta Dani Iribarrenek. Ekainaren 3tik 8ra, bost egunez taiga basoan murgilduko dira, hartz eder honen bila. Atxak berak kontatu digunez, kolore zuri hori hartz arre gutxitan gertatzen den bitxitasun genetikoa da. Fenomeno horren berririk ez dago Europako beste inon, hartz horiek ale bakar bihurtuz.
