Euskal Herriko Kontseilu Sozialista aurkeztu dute, oraingoan, Iruñerrian. Hutsune bat betetzera datozela esan du Euskalerria Irratian Ander Goiatxe Kontseiluko kideak. Alderdi politikoko oinarriak ezarri dituzte, baina oraingoz hauteskundeetara aurkezteko baldintzak betetzen ez dituztela sinetsirik daude. "Kanpotik astindua ematera gatoz", esan du. "Belaunaldi gazte baten urteetako lanaren ostean, euskal langileriaren alderdia gorpuztu dugu", azaldu du. Antolakunde berriak xede du Mugimendu Sozialistaren "erreferente politiko nagusia" izatea: "Ongizate unibertsalaren alde egingo duen forma politiko bat izanen gara".
