Hamaika izan dira historia osoan zehar Euskal Herria bisitatu duten pertsonaiak. Zein da, alta, gure herriaren inguruan gorde duten oroitzapena? Zein da gainontzekoengan gure lurraldeak uzten duen irudia?
Fernando Pérez de Laborda filologoak bost urte eman ditu gai honen inguruan ikertzen eta testigantza guztiak biltzen. Denetara, atzerriko bisitariek egindako mila adierazpen baino gehiago bildu ditu orain Txalapartak plazaratu duen liburukote mardul batean: Euskal Herria. La mirada extranjera. Tito Liviotik hasi, kristo aurreko 76. mendean, eta 2022an Irulegiko eskuaren inguruan egindako argitalpen zientifiko batetaraino, orotarikoak dira bildutako adierazpenak.
