Suediako hiri txiki bat da Örebro. Eguberriko bisitatxoaren ostean bertara itzultzeko hegaldia hartu aurretik gurera bertaratu da Idoia Beloki kimikaria, bertan bizitzearen esperientziaz mintzatzera. Eguneroko lasaia omen da neguan argi ordu gutxi eta udaran egun luzeak dituen hiriarena. Bertara abiatzeko arrazoi nagusia doktoregoa egiteko baldintzak izan ziren Belokirentzat, izan ere, ez dauka hemengoekin aldekorik: laborategiak hobeak dira, soldata handiagoa, eta beste edozein herrialdeko kongresu eta formakuntza saioetara joan ahal izateko diru-laguntza jasotzen dute ikasleek. Egunerokoan, alta, faltan sumatzen ditu kale giroa, baita ostatuak ere. Hartara, sanferminei ez die oraino hutsik egin Suedian bizi denetik.
