Talde iruindarrak 'Etorkizuna ginenean' bere disko berriaren aurkezpen kontzertua emanen du larunbatean, Atarrabiako Totem aretoan.
‘Etorkizuna Ginenean’ izeneko diskoa Zestoako Gaztain estudioetan grabatua izan da. Kantuen ekoizpenerako, berriz, Gorka Urbizuren laguntza izan du taldeak. Aitor Remon taldeko baxu-joleak onartu digun bezala, taldea biziberrituta dator disko honekin. 30 urteko ibilbidearen ondoren, bere onena erakusteko gogoz dago, eta Totemeko kontzertua horren erakusle izanen da. Emanaldiak, gainera, gonbidatu bereziak izanen ditu, tartean Urbizu bera, diskoari izena ematen dion abestian parte hartu duena.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.