Pandemiaren ostean, 2022 hasieran, plazaratu zuen Skabideanek bere azken diskoa, Hiri zahar zikina. Ordutik, ez du atseden hartzeko denbora askorik eduki. Tartean, kide aldaketak, 10. urteurrena ospatzeko 2022an plazaratu zuten dokumentala, berriki atera duten Maite zenuen hiria binilo bikoitza... Taldearen eraberritze eta egonkortze garaia izan da, aldaketak barneratu eta bidean aurrera jarraitzekoa. Hori bai, jatorriko izpiritua galdu gabe: lagunartean elkartu eta musikarekin disfrutatzekoa.