Moreako H & M dendako langileek 200 greba egun bete dituzte astearte honetan. Hori dela eta, elkarretaratzea egin dute Iruñeko Udaletxe plazan, 'Salduz ez badugu irabazten, oparitu egingo dugu. Lan baldintzak merkealdian -lan baldintzak beheratzen- ' lelopean. Horrela, langileek kritikatu dute "erosteko ahalmenaren % 25eko galera" metatzen dutela eta hilean 500 euro inguru kobratzen dutela.
Aldarrikapen nagusiak, soldatak hobetzeaz gain, honako hauek dira: "igande eta jaiegunetan irekitzearen aurkako neurriak, partzialtasuna murrizteko benetan lantzen diren lanaldiak finkatzea eta online salmentak lanposturik ez suntsitzea".
Beherapen sasoian murgilduta eta denda irekitzeko interesak behartuta multinazionalaren proposamen duinagoa espero dute datozen egunetan.