Gehiegi luzatzen ari den denbora tarte hau salatzeko ez dira bakarrik egon H&Mko langileak, ELA sindikatuko hainbat ordezkariren babesa izan baitute Uharte Doktorearen kalean eginiko elkarretaratzean. Hain zuzen ere bertan egoitza duen CENi eskatu diote ehungintzaren sektoreko hitzarmenaren negoziazioan “argi eta garbi” inplika dadin.
Gogorarazi dute ehungintzaren sektoreko hitzarmena zaharkitua dagoela, duela 15 urte, 2009an sinatu baitzuten eta horrek “modu batera edo bestera” eragin duela soldatak “15 urtez izoztuta” egotea, langileen eros ahalmenaren %23ko galera eraginda.
Sei hilabete pasa dira langileek sindikatuaren bidez egoera salatu zutenetik eta egoera gutxi aldatu da.
Gaurkoan argi eta garbi esan dute, H&M Moreako langileek euren borrokan jarraituko dute lan hitzarmena eta lan baldintzak hobetu arte.
