Zerrendak osatzeko hautagaiak aurkezteko epea pasa den otsailaren 22an bukatu zen eta proposamenik jaso ez dela baieztatu ostean, zerrenda proposamenak luzatuko dizkio bere kidegoari datozen egunetan.
“Esperientzia eta berritasuna” uztartzen ditu Nafarroako Parlamenturako hauteskunde-zerrenda proposamenak, EH Bilduren arabera. Laura Aznal parlamentaria izanen da presidentegaia. Haren atzetik, bigarrenez, Adolfo Araiz izanen da bigarrena. Hirugarrena, berriz, Etxarri Aranazko alkate ohi Eneka Maiz.
Zalantzarik handiena Eusko Alkatasunako postuekin zer gertatuko zen izan da. Alderdiak proposatu duen zerrendan ez dago EAko kritikorik, eta Severiano Txoperenak beteko du laugarren postua.
Javier Arza da hautagaitzako bosgarrena. NUPeko Soziologia eta Gizarte Laneko Departamentuko irakaslea eta ikertzailea da. Egungo talde parlamentariotik, Arantxa Izurdiaga abokatuak eta Txomin Gonzalez Osasuneko bozeramaileak errepikatuko dute. Seigarren eta zazpigarren postuak beteko dituzte.
Zortzigarren, berriz, Irati Jimenez abokatu atarrabiarra izanen da. Mikel Zabaleta Leitzako alkatea, bederatzigarrena; eta hamargarrena Esther Lakasta Basaburuako alkatea.
Nafarroarako zerrenda osoa
- Laura Aznal
- Adolfo Araiz
- Eneka Maiz
- Severiano Txoperena
- Javier Arza
- Arantza Izurdiaga
- Txomin González
- Irati Jiménez
- Mikel Zabaleta
- Esther Lakasta
- Oihan Mendo
- Oihana Gallo
- Joseba Gines
- Garazi Subiza
- Unai Lako
- Fayzuri Caicedo
- Alberto Goikoa
- Haizea Huarte
- Raul Maiza
- Maite Fernández Font
Iruñerako zerrenda
Iruñerako zerrendan, berriz, berrikuntza gutxiago dago. “Gobernu-esperientzia, gaitasuna eta ilusioa” ordezkatzen ditu zerrendak, alderdiaren aburuz. Joseba Asiron izanen da hirugarrenez alkategaia, bigarren Garbiñe Bueno zinegotzia ezarri dute; hain zuzen zerrendan berriro gehitu duten Joxe Abaurrearen ordezkoa izan da 2021ko abendutik. 2019ko txupinazoaren epaia dela eta utzi zuen kargua Abaurreak. Egungo zinegotzi Maider Beloki, Endika Alonso eta Borja Izagirre ere ageri dira zerrendan.
- Joseba Asiron
- Garbiñe Bueno
- Joxe Abaurrea
- Maider Beloki
- Endika Alonso
- Aitziber Campion
- Borja Izagirre
- Zaloa Basabe
- Paula Garcia
- Josu Arraiz
