Ukatu egin zuten bere garaian. Horregatik, ezustean hartu dute Pasaiako sarraskiaren biktimek eta senideek Donostiako Instrukzioko 2. Epaitegiaren erabakia. KAA Komando Autonomo Antikapitalistetako lau militanteen ustezko hiltzaileetako batzuk identifika ditzakeen ikusteko deitu dute Joseba Merino, segadatik bizirik atera zen militante bakarra. Berandu iritsi da erabakia Karlos Delas, hildako Rafael Delas Txapas-en anaiaren iritziz. 2018an itxi zuten auzia, Giza Eskubideen Europako Auzitegiak senideen eta herri akusazioaren helegitea atzera bota ostean. Harrituta utzi zituen epai hark senideak, delituak onartu zituztelako, baina delitugileak nortzuk ziren ezin zela jakin ebatzi zutelako. Merinok TVEko bideo batean identifikatu zituen poliziak, eta hori berrestera deitu dute martxoaren 28rako.
