Euskaraldiak eta Euskalerria Irratiak saio berezia prestatu dute, Euskaraldiaren hasieraren karietara. Iruñeko Gazteluko plazako Laba elkartetik eginen dute, zuzen-zuzenean.
Goizeko 9:00etatik 11:00etara izanen da entzun eta ikusgai. Topaguneko zein administrazio publikoetako ordezkariak elkarrizketatuko dituzte, Broken Brothers eta Burutik taldeek zuzeneko musika jarriko dute, eta batez ere ahobiziei eta belarriprestei emanen diete hitza, hitzetatik ekintzetara pasatzeko unea iritsi zaigun honetan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.