Erdizko proiektuaren inguruko galdeketa antolatu dute Baztango hamalau alkatek, nork bere herrian. Ostiralean, baina, Guardia Zibilak Baztango kuartelera deitu zituen eta Espainiako Gobernuko ordezkaritzaren eskaera bat jaso zuten. Bi eguneko epean galdeketak bertan behera utzi behar dituztela adierazi zaie. Lekarozko zinpeko alkatea da Ernesto Prat.
Gaiari lotutako Baztanera iritsitako hirugarren debekatua da. Magnesitas de Navarraren Erdizko proiektuari buruzko herri galdeketak egiten saiatu dira Baztango Udala eta Batzarra, baina Espainiak galarazi egin ditu. Udal ordenantzak baliatuta antolatu dute igandekoa alkateek. Bertan behera uzten ez badituzte, zigor administratibo eta penalak eduki ditzake, jaso duten eskaeraren arabera.
