Amatasun baimenak parekatzeko eskatu du elkarteak Nafarroako Parlamentuan, bi kideko familien gisara 32-42 aste edukitzeko. “Hamasei hamazazpi aste ditugu, ez dira pilatzen guraso bakar horrengana. Gure haurrek ez dute, beraz, zaintza eskubide berdina”, salatu du Iruñerria Goizetik albistegian Eider Aldaia kideak.
Pobrezia arriskuan bizi direnen ehunekoa oso altua da kolektiboan, erdia baino gehiago dira; eta behar beharrezkoak dituzte laguntzak, Aldaiak azaldu duenez. Hala ere, horiek eskuratzeko zailtasunak dituzte: “Badira laguntza batzuk kontribuzioari dagokionez ezin ditugunak jaso. %30eko hobaria dagokigu, baina aurretik egin behar den balorazio txostena ez dagoelako egina”.
Nafarroako Parlamentuan agerraldia egin zuen elkarteak asteazkenean. Parlamentuko taldeek bat egin dute haien aldarrikapenekin. Elkartetik, baina, hitzetatik ekintzetara pasatzeko eskatu diete.
