Espainiako Gobernuak Europako Next Generation funtsetatik jasotako 397 milioi euroko diru laguntza onartu du Seat-Volkswagenek. Berreskurapen eta eraldaketa ekonomikorako proiektu estrategikoetarako diru ekarpenak Landabengo elketrifikazioa du barne, eta 35 milioi inguru jasoko enpresak horretarako.
Langileek besterik espero ez zutela adierazi du Iruñerria Goizetik albistegian ELAko ordezkari Igor Peñalverrek, baina aurrera begira egitekoak direla gogorarazi du. Izan ere, etorkizunerako plan zehatz bat nahi dute langileek.
Bitartean, VW Nafarroan hauteskundeak aurreratzeko aukera mahai gainean jarri du UGTk, lantegian errelebo-kontratuaren negoziazioari berme handiagoz aurre egiteko. Erabakia aho batez hartu behar da, eta goizean bildu dira erabaki bat hartzeko.
