Inolako diskriminaziorik gabeko Nafarroa batean bizi nahi dute, eta hori aldarrikatuko dute larunbatean, Tuteran. Manifestazioa eginen dute Euskararen Legearen Zonifikazioaren aurka eta Nafarroako euskal hiztunen hizkuntza-eskubideen alde.
“Nafarroako lekuaren arabera eskubide ezberdinak ditugu, hori ez da justua”, adierazi du Hordagoko Urko Aierbek. Edozein nafarrek euskara ezagutu eta erabiltzeko duen eskubidea Nafarroan osoan praktikan jartzea eragozten duten oztopoak kentzeko eskatuko dute, “etengabeko gurpilarekin” amaitzeko.
Tuteran bizi duten egoeraren berri eman du Metropoli Foralean Aristoteles Funtesek. Egoerak sozialki hobera egin duela uste du, baina administrazioan direla trabarik handienak. Tuterako Udalak, esaterako oztopoak jarri dizkio larunbatean manifestazioari lotuta Deskontrolek eskaini behar zuen kontzertuari. Gertatutakoaren berri emateko agerraldia eginen dute gaur Kontseiluak, Behatokiak, Agerraldiak eta Errigorak, arratsaldean.
TUTERAN ERE EUSKARA PLAZARA
— AGERRALDIA (@Agerraldiaa) October 20, 2022
📢Tuterako Udal gobernuak jarri dizkigun trabengatik ez dugu baldintzarik ikusten des-kontrolen kontzertua egiteko.
A consecuencia de las trabas que nos a puesto el ayuntamiento de Tudela,no vemos condiciones para hacer el concierto de des-kontrol. pic.twitter.com/qtUMP1gVg5
Hordago! mugimenduak antolatutako protesta Foruen plazatik abiatuko da 17:30ean, larunbatean. Iazko azaroan aurkeztu zuten Hordago! dinamika, Cortesko adierazpenaren aurkezpenarekin.
