Espainiak 40 milioi euro bideratuko ditu Belateko tuneletara

Euskalerria Irratia 2022ko urr. 13a, 13:00
Deskargatu Info Ahotsak :

Nafarroako presidenteak iragarri du Nafarroak 40 milioi euro gehiago izango dituela 2023ko Espainiako Aurrekontu Orokorretan, Belateko eta Almandozeko tunelak bikoizteko obretarako.

Iragarritakoari gehituko zaizkie 40 milioi euroak. Hala 158 milioi euro jasoko ditu Nafarroak, inbertsioetarako, Espainiako Aurrekontu Orokorretatik. Maria Txibiteren esanetan, Espainiako Gobernuak Nafarroari ematen dion babesa berresten dute. Partida nagusien artean, Abiadura Handiko Trena azaltzen da. 71 milioi euro jasoko ditu Nafarroak.

Geroa Baiko bozeramaile Uxue Barkosek egindako galdera bati erantzunez eman du jakitera zenbatekoaren hazkundea presidenteak. 40 milioi euroen albistea "positibotzat" jo du Barkosek, baina ez du nahikotzat. Esan du "lehen begiratu batean" aurrekontuek "inbertsio handiagoa" dakartela Nafarroarentzat, iaz 77 milioi izan baitziren, baina "beste erkidego batzuen atzetik dagoela.

 

Ekonomia Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea