Entzutekoak

David Anaut (Euskararen Kontseilua): “Atzera pauso bat da merezimenduen dekretua”

Nafarroako Euskararen Kontseiluak ezezkoa eman dio euskararen merezimenduen dekretuari. Ostiral eguerdian egin zuten bilera. David Anaut kideetako bat da.

Hamabost boto izan zituen aurka Nafarroako Gobernuak prestatutako euskararen merezimenduen dekretuak eta sei abstentzio, Nafarroako Euskararen Kontseiluan. Zonifikazioari eusten dio proposamenak, eta horren aurka egin du kontseiluak. Euskararen Legearen araberako eremu euskaldunean eta mistoan baloratuko dute soilik euskara dekretua indarrean sartzean. PSN eta Geroa Bairen tirabiren ostean, eremu mistoan, lanpostu jakin batzuetan soilik.

Euskararen Kontseiluak, halaber, eskatu du euskara Nafarroako Foru komunitate osoan ofiziala izan dadin, Euskararen foru legea lehenbailehen aldatzeko. Hemeretzi bozka izan ditu proposamenak alde, eta hiru abstentzio.

Bozketa eta adierazpena ez dira lotesleak. Ana Ollo herritarrekiko harremanetarako kontseilariak parlamentura eta exekutibora bideratuko dituela adierazi die.

Argazkia: Goiena