Urduritasuna bistakoa izan da goizean goizetik Nafarroako Unibertsitate Publikoan. Izan ere, gaurtik hasi eta ostiralera bitartean Batxilergoa amaitu berri duten 3.708 ikasle inguruk hartu dituzte unibertsitateetako gelak, unibertsitatera sartzeko azterketak egiteko. Horietatik 952k euskaraz egingo dute hautaproba. 9:30ean hasi da lehenengo azterketa, gaztelania eta literatura. Espainiako historia ikasgaiko proba eguerdian izanen da, eta 16:00etan eta 18:30ean ingelesa, frantsesa eta alemana maila neurtuko zaizkie.
Bihar, berriz, Euskal Hizkuntza eta literatura azterketa izanen dute goizean goiz. Ondoren, matematika probak izanen dira. Arratsaldean, berriz, biologia, enpresaren ekonomia eta arte eszenikoak izanen dira. Ostegunean amaituko dute hautaproba. Filosofiaren historia, fisika, greziera, ikus-entzunezkoen kultura, kimika, artearen historia, geologia, geografia eta diseinua izanen dira azken probak.
Sartu dira unibertsitatera sartzeko azterketara AKA selektibitatera ikasle guztiak. Lehen azterketa: Gaztelera
— Haritz Pascual Garjon (@haritzpg) June 7, 2022
Ikasle eta irakasleekin mintzatu gara eta 13.30ean @fm983irratia n kontatuko dugu. pic.twitter.com/rd6dN69jGW
