Beti Onak taldeak igoera faseko lauko finala jokatuko du Lanzaroten

Ligan jokatutako 26 partiduetan garaile izan dira Atarrabiako taldeko emakumeak, eta play offeko kanporaketan beste garaipen bana lortu zuten bi partidutan. Orain lauko finala jokatuko dute Lanzarote, Bolaños eta Errioxa taldeen aurka.

Nahia Legorburu izan da 'Irrintzi Plaza' saioan. 

Gurpea Beti Onak taldeak Guerreras Iberdrola Ligara igotzeko azken faserako txartela lortu zuen asteburuan Errece Almassora mendean hartuta. Atarrabiako taldeak hamar egun barru jokatuko du azken fasea, maiatzaren 20, 21 eta 22an, denboraldi honetan jokatutako 28 partidak irabazi ondoren. Historian emakumezkoen mailarik gorena lortuko lukeen hirugarren talde nafarra izango litzateke.

Zaleek bihotzez animatu dute taldea eta hegan eraman dute denboraldi osoan zehar. Jokalariek jendearen berotasuna sentitu dute une oro, eta laguntza hori erabakigarria izan da marka lortzeko.

Asteburuko garaipenarekin Gurpea Beti Onak taldeak bere helburuetako bat bete zuen kanpaina honetan eta amestutako igoera lortzeko borrokatuko da.

Atarrabiakoek astelehenean ezagutu zuten Guerreras Iberdrola Ligara igotzeko azken fasea jokatzeko egoitza. Lanzarote, Cicar Lanzarote taldearen etxea izan zen aukeratutako tokia, Atarrabiakoen aurka jokatuko duten hiru aurkarietako bat. Beste biak Berenguela BM Bolaños eta Errioxa Grafometal dira. Lau aukeren artean lekurik urrunenkoena egokitu zaie atarrabiarrei.

Esan bezala, partidak maiatzaren 20tik 22ra jokatuko dira Titerroyko Udal Pabiloian. Oraingoz, ez dute partiden ordutegirik zehaztu ezagutzen, baina bai data. Nafarrek ostiralean, hilak 20, egingo dute debuta ligaxkan anfitrioien aurka. Larunbatean Bolañosen aurka jokatuko dute eta igandean Grafometal taldearen aurka. Bi talde onenek Lehen Mailara igotzeko txartela eskuratuko dute

Aurrez aurre Beti Onakek erreferentziazko hiru talde izango ditu, eskarmentudunak. Hala ere, Atarrabiakoak ez dira atzean geratuko. Sasoi honetan ez du porrota ezagutzen, garaipenak besterik ez baitituzte pilatu, bata bestearen atzean, eta beraz gainditu beharreko taldeetako bat dira.