Nafarroan Eliza Katolikoaren baitan 1948tik 1985era izandako sexu abusuak ikertu ditu dituzte Nafarroako Gobernuak eta Nafarroako Unibertsitate Publikoak. Otsailean, 60 biktima inguru atzeman zituzten, baina hori izotz mendiaren punta besterik ez dela uste dute, beste hamabi agertu direlako tantaka. Biktimen aitortza lortzeko bidean, beste pausu bat eman zuten atzo Nafarroako Gobernuak lankidetza hitzarmena sinatuz Sexu Abusuen Biktimen Elkartearekin.
Biktimentzako bulegoa jarri du martxan departamentuak erregistroa osatzeko, eta lege proposamen bat bideratu du biktimen aitortza eta erreparaziorako. Nafarroako Parlamentuan eztabaidatzen ari dira. Santosen iritziz, Elizaren parte hartzea izanen duen adituen batzorde independente baten sorrera eragin beharko luke.
Bi urte dira gaiari lotuta Nafarroako Gobernua Elizarekin lanean ari dela. Duen jarrera baikorra eskertu du kontseilariak.
