Hitzarmenaren negoziazioan parte hartzeko aukerarik izan ez zuela dio OEIS patronalak, eta hori dela eta esku hartze sozialeko lehenengo lan hitzarmena inpugnatzea erabaki du. Bertan behera utz dezatela eskatu dute. Maiatzaren 17an izanen da epaiketa. LAB sindikatuko Esku Hartze Sozialeko arduradun Oihan Ataunekin mintzatu da Euskalerria Irratian.
LAB sindikatuak salatu duenez, baina, hainbat bileretara deitu zituzten eta patronalak erabaki zuen ez parte hartzea. Gurutze Gorriak, Caritasek, Gosearen Aurkako Ekintzak, Ijito Idazkaritzak eta Minbiziaren Aurkako Espainiako Elkarteak ordezkatzen dute OEIS patronala Nafarroan.
Hitzarmena 1.600 langileentzako aurrerapen esanguratsua dela dio LAB sindikatuak, eta hura defendatzeko manifestazioa eginen dute bihar eguerdian.
