Arantza Santesteban: “Joan den mendeko iruditeriekin ezin ditugu egungo desirak piztu”

Arantza Santesteban historialari, zinemagile eta preso ohi txantrearraren 918 gau pelikula pantailaratzen ari dira gaur, Ikuspuntu jaialdian. Euskal Herriko estreinaldia da. Une aproposa, Ttap aldizkari multimediarako Euskalerria Irratiko kazetari Juan Kruz Lakastak egin zion elkarrizketa berreskuratzeko.

Zinema esperimentalaren bitartez, kartzelako mundu ezkutuaren berri eman nahi izan du Santestebanek bere filmean, gatazkaren kontakizun lineal eta maskulinoetatik at, estereotipoak apurtuz, iruditeria berria sortuz. Izan ere, ezkerrak oro har iruditeria berritzeko premia larria duela uste du Santestebanek.