Ostiralean egindako bileran azaldu zioen ELA sindikatuak gobernuari onartu nahi duten araudiaz duten iritzia. Euskara ez da meritu izanen eremu-ez euskaldunean eta mistoan, lanpostu batzuetan soilik. Horrela euskal hiztunak mespretxatzen ari direla salatu du Bujandak.
Dekretuaren zirriborroa UPNk eta CDNk onartutako 2009ko dekretuan dago oinarrituta. Hala azaldu die Javier Remirez kontseilariak sindikatuei. “Dekretu horretan, oro har, eremu mistoan euskara jakitea aitortzen zen; eta, gainera, Dekretuak zerrendatzen zituen lanpostuetarako balorazio kalifikatua zegoen. Aurkeztutako idazketan, ordea, ezabatu egin duten balorazio orokorra”, zehaztu du Bujandak.
Beste puntu batekin ere kezka du ELA sindikatuak. Zerbitzu zentralen espezifikotasuna ezabatu dute dekretuan; eta, kenduz gero, eremu jakin batzuetarako mugatuta ez dauden zerbitzuetan euskararen ezagutza baloratzeko aukera desagertuko da.
