Nafarroako Udal eta Kontzejuen Federazioak Lizarrako Udalari bidali dio Elizak bertan immatrikulatutako ondasunen zerrenda. Immatrikulatutako ondasunak ezagututa udalak horiek behar bezala mantentzeko galdegingo dio Elizari, lehenik. Nafarroako ondare historikoaren defentsarako plataformarekin elkarlanean horiek berreskuratzeko lanak ere abiatuko dituzte.
Hamazazpi ondasun ditu bere izenean Elizak, Lizarran. Horien artean eraikin enblematikoez gain, kultora bideratzen ez diren etxebizitzak, belardiak edota kale zatiak daude.
Zerrenda hori Nafarroako Parlamentuak eskatuta egin da, toki entitateek haien herrietan egindako immatrikulazioen berri izan dezaten. Hortik aurrera, egoki iritziz gero, sakondu ahalko dute ondasunen titulartasuna ikertzen, eta, hala badagokio, horiek berreskuratzeko izapideak hasi.
