Nafarroako Gobernuak ohar bidez eskatu du 112 telefonora "soilik larrialdi egoeren aurrean" deitzeko. Herritarrei adierazi die SOS Nafarroa telefonoa soilik erabil dezaten "premiazko egoeretarako, eta ez kontsultak egiteko edo bestelako egoerei erantzuteko".
Javier Remirez presidenteordearen kontseilaritzaren parte den Barne Zuzendaritza Nagusiak gogorarazi du "larrialdi-izaera zorrotzik ez duten deiek atzerapenak eragiten dituztela larrialdien arretan eta beste pertsona batzuen istripuen edo egoera kritikoen aurrean erantzuteko denboran".
Gainera larrialdi zerbitzuaren egoera "tentsio handikoa da" koronabirusaren Omikron aldaeraren eraginez eta horrek aipatutako atzerapenak are esanguratsuagoak egin ditu.
Era berean, Foru Agintaritzak eskerrak eman dizkie herritarrei "Nafarroako Gobernuaren larrialdietarako baliabideak eraginkortasunez erabiltzen laguntzeagatik; izan ere, haien eskaria handitu egiten da normalean urteko egun hauetan".