Urrian auzipetu zuen Maria Servini Argentinako epaileak Espainiako ministro ohi Rodolfo Martin Villa, baina, orain, Argentinako apelazio auzitegi batek erabaki du prozesamendua baliogabetzea, delituen eta egiletzaren inguruko "frogarik ez" dagoela argudiatuta. Sabino Cuadrak salatu duenez, hori da hedabide nagusiek titularretara eramandakoa, baina "irakurketa partziala" da: "Martin Villaren abokatuek bidalitako informazioa da".
Erabaki gehiago ere hartu ditu justiziak, kasua ez dute artxibatuko. Hala, ministro ohiak kezkarako arrazoiak dituela uste du.
